IX დღე

საკმაოდ საინტერესო ტრენინგი დასრულდა. პროექტული სწავლება თანამედროვე განათლების მოთხოვნაა, რადგან ის ავითარებს 21-ე საუკუნის უნარებს მოსწავლეებში და ამზადებს მათ მომავლისთვის. ტრენინგმა კიდევ ერთხელ დამარწმუნა იმაში, რომ სამუშაო შეხვედრები საჭიროებს უფრო ხშირ გამეორებას წელიწადში მინიმუმ ერთხელ. პედაგოგი უფრო ხვეწს ტექნიკურ უნარებს , ხდება იდეების გენერირება და სურვილი პრაქტიკულად დანერგოს საკუთარ პრაქტიკაში ტრენინგზე მიღებული გამოცდილება. ტრენინგის მონაწილეთა პრეზენტაციამ წარმატებით ჩაიარა, ყველა პედაგოგმა წარმოადგინა საკუთარი პრეზენტაცია საინტერესოდ და დეტალურად.მადლობა ტრენერს, რომელიც დაუღალავად შრომობდა ჩვენი განვითარებისთვის.

VIII დღე

დღეს ვიმუშავეთ მეშვიდე მოდულში. მოდული საინტერესო იყო, გავეცანით შინაარსს. შევქმენით ფასილიტაციის დოკუმენტები. გადავხედეთ პროექტის გეგმას, ჩავასწორეთ და შევავსეთ  შესაბამისი გრაფები.  ასევე შევავსეთ კითხვარი ისტის მნიშვნელობასთან დაკავშირებით ეროვნულ სასწავლო გეგმაში. გადავხედეთ ბლოგს. 

VII დღე

გუშინდელმა დღე ძალიან საინტერესო და პროდუქტიული იყო. ვისაუბრეთ ყველა ტიპის მოსწავლის საჭიროებებზე და მათთვის მორგებული აქტივობების დაგეგმვაზე. კიდევ ერთხელ გავეცანით ვიგოტსკისა და ბრუნერის თეორიებს. გავიხსენეთ სკაფოლდინგის მნიშვნელობა სწავლების პროცესში. მოცემული მოდული დამეხმარა , გამეანალიზებინა დამოუკიდებელი მსწავლელისა და დიფერენცირებული სწავლების როლი.

VI დღე

დღევანდელი დღე დატვირთული იყო პრაქტიკული დავალებებით. ვიმუშავეთ  პროდუქტიულად და შევქმენით მოსწავლის პრეზენტაცია, ასევე მოსწავლის ნამუშევრის შეფასების რუბრიკები. დავიწყე მუშაობა მასწავლებლის პრეზენტაციაზე. დავალებები იყო რთული , მაგრამ საინტერესო. 

V დღე

დღეს ვიმუშავეთ   ინფორმაციის მოძიების სხვადასხვა ხერხზე, ასევე განვიხილეთ საავტორო უფლებები და  გავაკეთეთ ტესტი. დავიწყეთ მოსწავლის  ნამუშევრის შექმნა. საკმაოდ საინტერესო და ინფორმაციული დღე იყო. ვისწავლეთ და გავიგეთ ბევრი რამ ახალი. 

IV დღე

 შეხვედრაზე გავეცანით შეფასების ფორმებს, რაც სიმართლე რომ ვთქვა , საკამაოდ  რთული იყო ჩემთვის. იმედია, მომავალში უფრო კარგად გავერკვევი  აღნიშნულ საკითხებში . 

III დღე

დღეს შევისწავლეთ  პროექტის საფუძვლები, კერძოდ საგნობრივი სტანდარტი შევუსაბამეთ პროექტის თემას.  ასევე განვიხილეთ მიმართულების მიმცემი კითხვების  კატეგორიები- ზოგადი, თემატური და შინაარსობრივი.    ჯგუფის წევრებს ყველაზე მეტად მოგვეწონა  მიმართულების მიმცემი კითხვების პრაქტიკული სამუშაო. იყო დისკუსიაც . საბოლოო ჯამში განვასხვავეთ თითოეული კატეგორია  ერთმანეთისგან და ამის შემდეგ ჩვენი პროექტის გეგმაში მოვიფიქრეთ და ჩავწერეთ  ზოგადი, თემატური და შინაარსობრივი კითხვები.